Pedro Villarroel

Banda de Música de Pontevedra

Facebook

Pedro Villarroel

Pedro Villarroel González comeza os seus estudos musicais no seo da banda de Música de Candeán como saxofonista. Posteriormente ingresa no Conservatorio de música de Vigo onde acada o titulo de grado superior no ano 2015.
No terreo da dirección comeza a sua andaina levando a batuta da Banda da Escola de música de Candeán e recibindo clases dos mestres Javier Viceiro Filgueira e Jose Rafael Pascual Vilaplana, principalmente.
Tamén realiza cursos de especialización con mestres coma, Franco Cesarini, Manuel Mondejar, Juanjo Ocon, Andrea Gasperin, Bouglas Bostock, Marcel van Bree, Andres Valero e Jan Cober.
En 2016 remata o último nivel na Academia Europea de Dirección de Banda en Portugal cos mestres Javier Viceiro, Andre Granjo, Jean Sebastian Bereau e Jan Cober, realizando o concerto final coa banda profesional da policia da segurança publica en Liboa.
No 2017 remata o último curso na academia de dirección do Vall D´Albaida en Valencia, cos maestros Jose Rafael Pascual Vilaplana, Ramon Garcia i Soler e Jose Miguel Fayos.
A súa experiencia profesional comeza como director titular da Banda de música de Sanxenxo (2012-2015), coa que consegue o 3º premio no XIII certamen provincial de bandas de musica da Diputación de Pontevedra. No 2015 comeza unha etapa como director da escola e director artístico da agrupación musical de Goian onde conseguen diversos premios salientando o 1º premio no XIII certame galego de bandas de musica na sección terceira no Auditorio de Galicia.
Actualmente compaxina o seu posto co de director titular da agrupación musical Lira de San Miguel de Oia en Vigo, dende o ano 2019.
Estrea diversas obras sinfonicas do compositor Andrés Álvarez Hernandez, e espectaculos como “Pelepau sinfonico” co grupo tradicional
galego. Dirixiu solistas como a fadista Ana Lains, Rosa Cedron, Abraham Cupeiro…
Foi convidado como director en distintas agrupacións como a banda de música de Candeán, banda de musica de Chapela a Unión musical de Valladares ou a banda de música de Pontevedra.
No ano 2019 consegue o 1º premio no I concurso de dirección organizado pola banda de musica de Pontevedra.